ది ఆటో బయోగ్రఫీ ఆఫ్ ఎ ప్రాస్టిట్యూట్'లో వేశ్యగా స్నేహ

 బాలీవుడ్‌లో టబు, ప్రియాంకచోప్రా, కరీనాకపూర్ తదితర హీరోయిన్లు వేశ్య పాత్రలు వేసి ఎంతో ఆకట్టుకున్నారు. ఆ మధ్య 'వేదం' చిత్రంలో సరోజ పాత్ర పోషించి అనుష్క ప్రేక్షకులను ఎంతగానో ఆకట్టుకుంది. కేవలం తెలుగులోనే కాదు తమిళంలో నిర్మించిన రీమేక్‌లోనూ అనుష్కనే వేశ్య పాత్ర లో నటించింది. ఈ చిత్రాన్ని భారతీయ భాషలన్నింటిలో నిర్మించినా... అందులో నేను నటించేందుకు రెడీ అని స్వీటీ నొక్కి చెప్పింది కూడా.తాజాగా అందాల తార స్నేహ వేశ్య పాత్ర పోషించడానికి సుముఖంగా ఉన్నట్లు వార్తలు వస్తున్నాయి. 'ది ఆటో బయోగ్రఫీ ఆఫ్ ఎ ప్రాస్టిట్యూట్' అనే నవల ఆధారంగా రూపొందే ఓ చిత్రంలో కథానాయిక పాత్రను స్నేహ పోషిస్తే బాగుంటుందని నిర్మాత అభిప్రాయపడి ఆమెని సంప్రదిస్తే పాజిటివ్‌గానే రియాక్ట్ అయిందని అంటున్నారు. దీనికి సంబంధించిన పూర్తి వివరాలు త్వరలో తెలుస్తాయి. ప్రస్తుతం నాగార్జున హీరోగా నటిస్తున్న 'రాజన్న' చిత్రంలో స్నేహ కథానాయికగా నటిస్తోంది.