Monday, March 12, 2012
ప్రకాష్ రాజ్ మారడు : దిల్ రాజు
వెంకటేష్-మహేష్ బాబుల మల్టీస్టారర్ చిత్రం సీతమ్మ వాకిట్లో సిరిమల్లె చెట్టు సినిమాపై అనవసర వదంతులు వస్తున్నాయని నిర్మాత దిల్ రాజు అన్నారు. ఇటీవల ప్రకాష్ ప్లేసులో నాజర్ ను పెడుతున్నట్లు వార్తలు వచ్చాయని, ప్రకాష్ రాజు గాని, నేను గాని ప్రకటించలేదని… మరెందుకు ఇలాంటి పుకార్లు వస్తాయని ప్రశ్నించారు. ఎట్టిపరిస్థితుల్లో ప్రకాష్ రాజ్ ఈ సినిమాలో నటిస్తారని, ఆయన సినిమాపై బాగా ఆసక్తితో ఉన్నారని దిల్ రాజు అన్నారు.
ఇది 25 సంవత్సరాల తర్వాత వస్తున్న మల్టీస్టారర్ అని, ఇందులో ప్రతి విషయం చాలా జాగ్రత్తగా పరిశీలిస్తున్నామన్నారు. అన్ని విషయాలు ఆలోచించిన తరువాతే ఏదైనా బయటకు చెబుతామని, కాబట్టి ఇలాంటి వదంతులు నమ్మదగినవి కాదన్నారు. ఈ సినిమా కొత్త బంగారు లోకం సినిమా తీసిన శ్రీకాంత్ అడ్డాల చేతుల్లో అచ్చమైన తెలుగింటి ఆవకాయగా రూపొందుతోందని చెబుతున్నారు. దీనికి దర్శకత్వంతో పాటు కథ, స్ర్కీన్ ప్లే, మాటలు కూడా శ్రీకాంత్ అడ్డాలే.
Subscribe to:
Posts (Atom)
