బాలకృష్ణ హీరోగా పరుచూరి మురళి తెరకెక్కించిన చిత్రం 'అధినాయకుడు'. ఈ చిత్రం చాలా కాలంగా ఎప్పుడు రిలీజా అని అందరినీ ఊరిస్తోంది. మొత్తానికి ఈ చిత్రాన్ని ఏప్రియల్ 12 న విడుదల చేయటానికి తేదిని ఫిక్స్ చేసారు. అప్పటికే చాలా సార్లు విడుదల వాయిదా పడటంతో ఈ చిత్రానికి చాలా బ్యాడ్ టాక్ స్ప్రెడ్ అయ్యింది. దాంతో బయ్యర్లు ముందుకు రాకపోవటంతో ఈ చిత్రాన్ని నిర్మాత ఫస్ట్ హాఫ్ వేసి చూపించారని, అది చూసిన వారు మరో సమరసింహా రెడ్డి రెడ్డి సినిమా అని ఫిక్స్ అయ్యి ముందుకు వస్తున్నట్లు సమాచారం. సెకండాఫ్ లో వచ్చి ఫ్లాష్ బ్యాక్ ఎపిసోడ్ కూడా సినిమాకు చాలా కీలకంగా ఉంటుందని చెప్తున్నారు. ఇప్పుడు ఈ సినిమాకు మంచి టాక్ మొదలైంది. బాలకృష్ణ చేసిన మూడు పాత్రలు అదరకొట్టాడని,ముఖ్యంగా తాత పాత్రలో జీవించాడని అంటున్నారు. నందమూరి అభిమానులు గర్వంగా చెప్పుకునే చిత్రం అవుతుందని,సింహా రికార్డులు బ్రద్దలు కొడుతుందని చెప్పుకుంటున్నారు.
కథ గురించి దర్శకుడు మాట్లాడుతూ...నాయకత్వం వ్యాపారం కాదు... వారసత్వంగా రావటానికి. వెనకనున్న పదిమంది ఆశల్ని, ఆకాంక్షల్ని నెరవేర్చాలి. అప్పుడే నాయకుడు అవుతాడు. అలాంటివాళ్లు మాత్రమే ప్రజల మనసుల్లో స్థానం సంపాదించుకొంటారు. తరతరాలుగా ప్రజాసేవకు అంకితమై నాయకత్వ లక్షణాల్ని పుణికి పుచ్చుకొన్న ఓ కుటుంబం కథే మా చిత్రం అంటున్నారు. తాతగా, తండ్రిగా, తనయుడిగా ఒకదానితో ఒకటి పొంతనలేని పాత్రల్లో ఆయన కనిపిస్తారు. జయసుధ, సలోని, లక్ష్మీరాయ్ ఆ మూడు పాత్రలకు జోడీలుగా నటిస్తున్నారు.
