విశాల్ 'యోధుడు'లో నాయిక త్రిష, విలన్ అరవిందస్వామి

 విశాల్, త్రిష జంటగా నటించనున్న చిత్రానికి' సమరన్' అనే టైటిల్‌ను నిర్ణయించినట్లు సమాచారం. ప్రస్తుతం విశాల్ 'వెడి' చిత్రంలో నటిస్తున్నారు. 'సమరన్' లో విశాల్ సరసన తొలిసారిగా అందాల తార త్రిష నటించబోతోంది. ఈ చిత్రానికి 'తీరాద విలైయాట్టు పిళ్లై' చిత్రం ఫేమ్ తిరు దర్శకత్వం వహించనున్నారు. ఈ చిత్రానికి' సమరన్' (యోధుడు) అనే టైటిల్‌ను నిర్ణయించారు. హై యాక్షన్ కథా చిత్రంగా రూపొందనున్న ఈ చిత్రంలో త్రిష పాత్ర హీరో పాత్రకు సమానంగా ఉంటుందట. ఈ చిత్ర కథను దర్శకుడు తిరు చెప్పినప్పుడు త్రిషకు తెగ న చ్చేసిందట. తానింతవరకు పోషించనటువంటి మైండ్ బ్లోయింగ్ పాత్రను సమరన్‌లో చేయనుండటంతో త్రిష సంతోషంలో తేలిపోతున్నారని సమాచారం. కాగా ఇందులో 'రోజా' ఫేమ్ అరవిందస్వామి చాలా కాలం తరువాత రీ ఎంట్రీ అవుతున్నట్లు తెలిసింది. ఆయన ఇందులో ఓ పవర్‌ఫుల్ విలన్ పాత్రను పోషిస్తున్నట్లు సమాచారం.