హీరోలు నాగ చైతన్య, సునీల్ ల క్రేజీ కాంబినేషన్ లో వస్తున్న సినిమా షూటింగ్ ప్రారంభమైంది. రామానాయుడు స్టూడియోస్ లో గురువారం ఈ సినిమా ముహూర్తపు షాట్ చిత్రీకరణ జరిగింది. బెల్లంకొండ సురేష్ నిర్మాణంలో వస్తున్న ఈ సినిమాకు కొంచెం ఇష్టం కొంచెం కష్టం ఫేమ్ డాలీ దర్శకత్వం వహించబోతున్నాడు. ఇది మాధవన్, ఆర్యలు హీరోలుగా వచ్చిన తమిళ సినిమాకు రీమేక్ గా తెరకెక్కుతోంది. ఒరిజినల్ లో మాధవన్ పోషించిన పాత్రను సునీల్ , ఆర్య రోల్ ను నాగచైతన్య చేస్తున్నారు.
నాగచైతన్య పక్కన హన్సిక హీరోయిన్ గా చేస్తుండగా, సునీల్ రోల్ కు జంట ఎవరో తెలియాల్సి ఉంది. ముహూర్తపు షాట్ కు అక్కినేని నాగేశ్వర రావు క్లాప్ నివ్వగా, రామానాయుడుకెమెరా స్విచ్ ఆన్ చేశారు. ఈ ప్రారంభోత్సవానికి రచయితలు కోనవెంకట్, అబ్బూరి రవి, నిర్మాత బెల్లంకొండ సురేశ్, దర్శకులు డాలీ, సాగర్ తదితరులు పాల్గొన్నారు. వెట్టై సినిమాకు రీమేక్ గా వస్తున్న ఈ సినిమా రెగ్యులర్ షూటింగ్ త్వరలోనే ప్రారంభిస్తామని నిర్మాతలు తెలిపారు.
No comments:
Post a Comment