ఊసరవెల్లి తొలిరోజు కలెక్షన్ల రికార్డ్‌ అంటున్న నిర్మాత

ఎన్టీఆర్ జూనియర్‌ నటించిన 'ఊసరవెల్లి' కలెక్షన్లు ఒక్కరోజుకే గ్రాస్‌ 15.80 లక్షలు వచ్చాయని ఇది ఇండస్ట్రీ రికార్డ్‌ అని చిత్ర నిర్మాత బివిఎస్‌ఎన్‌ ప్రసాద్‌ ప్రకటించారు. దసరా రోజైన గురువారం నాడే ఈ చిత్రం విడుదలైంది. డివైడ్‌ టాక్‌తో ఉన్న ఈ చిత్రం గురించి రాత్రికి రాత్రే నిర్మాత ఒక్కరోజు కలెక్షన్లు ప్రకటించారు. ఈ చిత్రాన్ని ఆర్‌.ఆర్‌.మూవీ మేకర్స్‌ తన డిస్ట్రిబ్యూషన్‌ సంస్థ ద్వారా రిలీజ్‌ చేసింది. సంస్థ ప్రతినిధి అచ్చిరెడ్డి శుక్రవారం ఉదయం కలెక్షన్ల వివరాలు వెల్లడించారు. ఆ వివరాలు.. అభిమానులకోసం...సీడెడ్‌ రూ. 2.92 లక్షలు; నైజాం రూ. 3.73 లక్షలు, నెల్లూరు రూ. 49 లక్షలు, గుంటూరు రూ. 1.43 లక్షలు, కృష్ణా రూ. 75 లక్షలు, వైజాగ్‌ రూ. 66 లక్షలు, తూర్పుగోదావరి రూ. 71 లక్షలు, పశ్చిమగోదావరి రూ. 63 లక్షలు, కర్నాటక రూ 1.11 లక్షలు, అమెరికా రూ. 1.98 లక్షలు, మొత్తం ఇతర రాష్ట్రాలతో కలిపి ఒక్కరోజుకే రూ. 15.80 లక్షలు.ఈ చిత్రం ఇంతగా కలెక్షన్లు రాబట్టడానికి యూత్‌ఫుల్‌ ఎంటర్‌టైనర్‌‌గా తెరకెక్కడమేననీ, అందువల్లనే అందరికీ నచ్చిందని అచ్చిరెడ్డి చెప్పారు.