చంద్రముఖి చిత్రం చూశాక చాలా ఇన్‌స్పైర్ అయ్యాను. రజినీకాంత్ అందులో అద్భుతంగా నటించారు. కన్నడలో విష్ణువర్థన్ నటించారు. కన్నడ చలనచిత్ర చరిత్ర వసూళ్లను తిరగరాసింది. తెలుగులో నేను చేయాలనుకున్నప్పుడు వేరే వారిని అనుకున్నాం. కథ అంతా ఫైనల్ అయ్యాక.. వెంకటేష్ కరెక్ట్ అని ప్రొసీడ్ అయ్యాం. ఆయన భేషజాలు లేకుండా సహకరించారు.
గెటప్స్ ఎలా ఉంటాయి..?
వెంకటేష్ బాబు ఇందులో రాజు గెటప్ అద్భుతంగా వచ్చింది. ఆ పాత్రను కాస్ట్యూమ్స్‌ను తీర్చిదిద్దిన రమా రాజమౌళిగారికి థ్యాంక్స్ చెప్పాలి. రాణిగా అనుష్క పాత్రను ఆమె తీర్చిదిద్దింది. కొత్త గెటప్‌లో వెంకటేష్ కన్పిస్తారు. ఇప్పటికే థియేటర్లలో ట్రైలర్స్ చూసి చాలామంది ఎంజాయ్ చేస్తున్నారు. ఎగ్జిబిటర్ల సినిమా ఎంత త్వరగా విడుదల చేస్తారా... అని ఎదురు చూస్తున్నారు.
ఏడుగురు హీరోయిన్లలో ఎవరికి ప్రాధాన్యత ఉంటుంది..?
ఇందులో హీరోయిన్ అనేవారు ఎవరూ ఉండరు. ప్రతి పాత్రా కథాపరంగా సాగేవే, వేటికవే ప్రత్యేకతను పొందాయి. సినిమా చూస్తే మీకే అర్థమవుతుంది. అందరికీ ఇంపార్టెన్స్ ఉంది.
గ్రాఫిక్స్ ఎంత ప్రాధాన్యత..?
థ్రిల్లర్ మూవీ కాబట్టి గ్రాఫిక్స్‌కి చాలా ప్రాధాన్యత ఉంటుంది. దీనికోసం బడ్జెట్ కూడా కాస్త ఎక్కువైనా సినిమా చూశాక ప్రతి పైసా అందులో కనిపిస్తుంది. తెలుగు చిత్రంలోనే కొత్త ప్రక్రియ ఉంటుంది.
బాలకృష్ణతో సినిమా ఎంతవరకు వచ్చింది..?
త్వరలో చేయబోతున్నాం. కథ రెడీ అయింది. ఇప్పుడు ఆయన బిజీగా ఉన్నారు. డేట్స్ ఎడ్జెస్ట్ అయ్యాక వెంటనే ఆరంభిస్తాం. బి. గోపాల్ దర్శకత్వం వహిస్తున్నారు. గతంలో అనుకున్న కథ సరిగ్గా రాలేదు. ఇప్పుడు చేయబోయే కథ ఫెంటాస్టిక్‌గా ఉంటుంది.
నాగవల్లిని హిందీలో కూడా తీస్తున్నారా..?
అవును. హిందీలో కూడా తీస్తున్నా. పెద్ద హీరోనే చేస్తున్నాడు. తెలుగు సినిమా విడుదలయ్యాకే రెస్పాన్స్ ఉంటుంది. దాన్నిబట్టి హీరో కూడా స్పందిస్తాడు. ఏదేమైనా ఓహో అని చెప్పను. ఈ సినిమా ఎలాగూ హిట్ అవుతుంది. అనుకున్నంత హిట్ అయితే మంచిది. అంటూ ముగించారు.
No comments:
Post a Comment